تابوت | علم | جھولا اور ذوالجناح سے حاجت مانگنا کیسا ہے ؟ | خدا کے سوا کسی دوسرے سے مدد مانگنا

roman urdu me padhne ke liae click here

---

سوال از: محترم جناب کمیل عباس صاحب (مظفر نگر - یو پی)

السلام علیکم
سوال ہے

تابوت پر دعا مانگنا ذوالجناح نکال کے اس کو چومنا اس پر دعا مانگنا، روضہ پر جا کر سر جھکانا علم پر دعا مانگنا کیسا ہے؟

جب کہ خدا قرآن میں ارشاد فرماتا ہے کہ میرے سوا کسی سے نہ مانگو کچھ بھی۔

مرجع : آیت اللہ سیستانی صاحب

جواب :

باسمه تعالى
ياصاحب الزمان ادركنا
عليكم السلام و رحمة الله و بركاته

بلا شک و شبہ تابوت، علم اور ذوالجناح، اسلام اور امام حسین (عليه السلام) کی عظیم الشان نشانیاں و علامتیں ہیں یہ ساری نشانیاں محترم ہیں، ان کی عزت و تعظیم کرنا ضروری ہے اور ان کو تَیَمُّناً و تَبَرُّکاً چومنا، بوسہ دینا جائز و پسندیدہ عمل ہے مگر امام حسین اور دیگر معصومین (صلوات الله و سلامه عليهم) کے وسیلے و ذریعے سے اپنی تمام ضروریات و حاجات کو خدا سے مانگنا چاہیئے یہ متعدد نصوص سے ثابت ہے

واضح رہے کہ تابوت، علم، جھولا اور ذوالجناح یہ وہ متبرک نشانیاں ہیں جو امام حسین (عليه السلام) کی طرف توجہ دلاتی ہیں لہذا ان کے پاس امام حسین (عليه السلام) اور شہدائے کربلا (سلام الله عليهم) کے وسیلے سے خدا سے دعا کرے تو اس سے دعا میں تاثیر پیدا ہوجاتی ہے اور قبولیت کے زیادہ قریب ہوجاتی ہے

خدا کے سوا کسی دوسرے سے مدد مانگنے کے متعلق جواب پڑھنے کے لیئے نیچے دی گئی سرخی دبائیں

1. yaa Ali madad kahna aur wasila banaana shirk nahi | quraan aur hadis se is ka sobut


2. Keya Hazrat Abbas (a.s) se direct doa maangna shirk hai ? | Doa maangne ke 2 tariqe

روضہ پر جاکر سر جھکانا " مستقل و الگ موضوع ہے خدا اگر زندگی و توفیق دے تو اس کا جواب بعد میں دیا جائے گا.

تبصرہ :

آیت اللہ سیستانی کی طرف سے سوال کا مختصر جواب ملتا ہے لہذا میری طرف سے یہ جواب ہے.

نیچے دی گئی سرخی دبا کر جواب کا پڑھنا مفید ہے انشاءاللہ

1. Keya "Labbaik Ya Husain" kahna shirk hai ? aur sab se pahle "Labbaik Ya Husain" kis ne kaha ?


2. 72 alam nikaalna kaiysa hai ?

والسلام

سید شمشاد علی کٹوکھری
خادم ادارئہ " دار العترت " عظیم آباد / پٹنہ - شعبئہ سوالات قم / ایران

19 / محرم / 1446ھ.ق

رومن اردو سے اردو رسم الخط میں تبدیل

subscribe us on youtube