Maasumin (s.a) ki taraf jhuti baat ki nisbat dene se roza kin sharton ke saath baatil hoga ?

Questions from : ... (England)

Qasidah waghairah me jhut ki nisbat masumin ki taraf dene se rozah batil hai ?

السلام و علیکم علامہ صاحب.. میرا سوال یہ ہے کہ ماہ رمضان میں شعر و اشعار جو کہ مدح اہلبیت ع میں یا مصائب اہلبیت ع بیان کرنے کی غرض سے پڑهے جاتیں ہیں کیا یہ صحیح ہے جب کہ معصومین ع کی طرف جهوٹ یا کسی ایسی بات کی نسبت جو اصل میں نہ ہوئی ہو اگر کہی جائے تو روزہ باطل ہو جاتا ہے. اقر شاعری میں شاعر لازماً ردیف قافیہ ملانے کے لئے ایسی بات کہہ جاتا ہے جو کہ ہوئی نہیں ہوتی.

آیت اللہ العظمی سیستانی دام ظلہ کا اس بارے میں کیا حکم ہے؟

والسلام

جواب :

علیکم السلام ورحمت اللہ

اگر روزہ دار زبان، تحریر، شعر اور اشارہ کے ذریعہ یا اس کے مانند جیسے قافیہ اور ردیف صحیح کرنے کے لئے خدا، رسول اور ائمہ معصومین (صلوات اللہ علیہم) کی طرف جان بوجھ کر جھوٹ کی نسبت دے تو بنا بر احتیاط واجب روزہ باطل ہے

اگرجھوٹی نسبت دینے کے بعد فورا کہے جھوٹ موٹ کہا یا توبہ کرے تب بھی روزہ باطل ہے

اسی طرح جناب سیدہ (سلام الله عليها) اور تمام پیغمبر اور ان کے جانشین کی طرف جان بوجھ کر جھوٹ کی نسبت دے تو بنابر احتیاط مستحب روزہ باطل ہے

نوٹ :

جھوٹی نسبت دینا بطور حقیقت ہو تو روزہ باطل ہے لہذا اگر جھوٹ کی نسبت اس طرح دے کہ شاید یا بعض لوگ کہتے ہیں تو روزہ باطل نہیں یعنی بعنوان نقل ہو تو باطل نہیں ہے بنابر ایں اگر خود شاعر شعروسخن میں عمدا جھوٹ کی نسبت دے تو اس کا روزہ باطل ہے لیکن اگر کوئی ان اشعار کو یہ کہ کر نقل کرے یاپڑھے کہ فلاں شاعر کا کلام ہے توروزہ باطل نہیں

والسلام

سید شمشاد علی کٹوکھری
خادم ادارہ دارالعترت - عظیم آباد پٹنہ شعبہ سوالات قم ایران

رمضان المبارک / 1436

Subscribe us on youtube